Uzyndyǵy 262 shaqyrymdyq «Merki-Býrylbaıtal» avtomobıl jolyn qaıta jańartý jumystary jalǵasýda. Ol Jambyl oblysyna qarasty Tátti, Shý jáne Birlik eldi mekenderin aınalyp ótýge múmkindik beredi dep habarlaıdy IIDM baspasóz qyzmeti.
Qurylys jumystaryn Qytaıdyń «Sınsın» kompanııasy men «ABK Avtodor NS» JShS júrgizip jatyr. Jumystardyń sapasyn «Arkada KZ» jáne «Sapa SZ» JShS qadaǵalaýda.
Tasjoldy qaıta jańartý jobasyna sáıkes Merkiden Shýǵa deıingi 86 shaqyrymdyq jolýchaskesi 4 jolaǵy bar I tehnıkalyq sanatqa jatqyzylatyn bolady. Al uzyndyǵy 176 shaqyrymdy quraıtyn Shý qalasynyń burmajolynan Býrylbaıtalǵa deıingi jol ýchaskesi 2 jolaǵy bar II tehnıkalyq sanatqa sáıkestendirilmek.
Joba boıynsha eldi mekender janynda 6 kópir, 3 temirjol ótpesi, jaryqtandyrylǵan 11 jolaıyryǵy, 276 qubyr, demalys alańdary, sondaı-aqavtopavılondar salynady.
Búginge deıin 2,6 mln m3 astam jer jumystary oryndaldy. 80 sý ótkizý qubyry men 11 mal ótkeli salyndy, joldyń 59 shaqyrymynda qıyrshyqtasty qum qospasynan jasalǵan tóseme qabaty, 50 shaqyrym jolda qıyrshyq tasty qum qospasynan jasalǵan joldyń negizgi qabaty, 46 shaqyrym jolda joǵary keýekti iri túıirshikti asfalt-betonnan jasalǵan joldyń joǵarǵy qabaty, 35 shaqyrym jolda tyǵyz iri túıirshikti asfalt-betonnan jasalǵan joldyń tómengi qabaty tóseldi. Jol ótkelderi, kópirler men jol aıyryqtary sııaqty 18 jasandy nysandy salý jumystary júrgizilip jatyr.
Tasjoldy qaıta jańartý jumystaryna 607 tehnıka men 1500 jumysshy jumyldyrylǵan. Atalmysh joldaǵy qozǵalys 2020 jyldyń sońyna deıin ashylady dep josparlanýda.